拍到这种程度算不错了，虽然过渡有些生硬，至少皇后码头照片和那句“点解市民要惊警察”充分传达了想要表达的意思，而且是用喝水这个搞笑的桥段。用连线书这个游戏作为回顾历史切入点，都算有点意思。不过女主选角不好，个性也过于淡定。反而陈豪不错，嗯，但对于他们两人性格缺少深入挖掘，过于纠缠解迷而放弃了人物塑造。

利申: 不是影評, 只係睇過記錄低.
歡迎採用在其他媒體, 如真嘅俾面用了, 無言感激.
<<點到點>>呢齣戲, 我真是從頭到戲開場前都以為導演係跟過杜SIR, 拍過十萬火急非常突然黑白戰場PTU的黃浩然先生, 特別是陳豪做男主, 更沒想到會是別人, 以為他跟杜生多年受他影響突執導筒順理成章, 卻忘了他在TVBB拍劇連連 (缺小生)回家帶孩子(有兩個), 仲邊有時間??!
直到開場啦, 夠鐘啦, 仲未熄燈嘅, 見到個三唔識七嘅人喇住支咪到臺前, 我都捻住係主持人啫. 點知一開聲, "我係呢套戲導演, 唔係嗰個黃浩然, 係咪有人以為係嗰個" 哦.....我錯了, 有眼無珠, 唔係, 不知者不罪....黃導介紹咗下, 請大家睇咗戲先.
嘩, 好犀利, 幾個鏡頭, 畫面美倫美奐. 豪哥一身儒雅, 做咗老竇嘅佢渾身散發一種光芒, 同佢清湯髪型嗰時爭太遠. 女主蒙小姐眼前一亮, 好一個清清秀秀個地方孕育出嚟清麗脫俗的女孩. 兩人個通 (即觀感/感覺) 好陽光, 同齣主題好夾, 選角成功都好緊要,一個好戲之人會救返成齣戲. 扯遠咗, 呢齣梗無呢個擔心.
導演係咪自己玩開點點遊戲, 也係咁揾到老婆? 太戲劇, 無理由…自傳往往拍得最好, 似安妮荷爾, 高達斷了氣, 姜文陽光燦爛, 老謀父親母親, 安叔囍宴, 杜魯福四百擊, 許小姐客途秋恨, 墨鏡花樣年華, 想睇導演愛人個樣 (可能未有). 又講咗去邊……
可能唔關自傳事, 借題發輝/借刀贊人, 贊香港, 贊香港嘅美麗, 唔止美景, 亦有底韞 (維多利亞城界碑), 還有靚人. 劇本太好, 暢遊地鐵沿線 (少少隱形廣告之感), 地鐵確方便, 大量吉位俾有心人創作, 而男女早已相遇不相知, 好有西片<<街角小店>>到<<網上情緣>>況味, 但男嘅都未知, 又好向左走向右走.
看倌們暗代兩人著急, 為美景暗中叫好, 盡管/可能 係個人感覺, 同一塊銀幕, 斷無不起共鳴之理. 古仔太好睇, 無法留意什麼電影手法, 好電影似可洗腦, 投入其中不欲抽身, 海邊斜陽, 好風光何時再會, 不想電影完結, 不如親身去體驗.
我本不知何謂跳接, 但聽導演映後談解畫第二剪的剪接師瑪麗姐嘅手段, 略懂了, 導演說比初剪版少了21分鐘, 卻發現每場戲仍在, 那剪了那麼多是....功夫, 見功夫, 真的將每段戲中無用或無影響嘅一格格抽走, 幾大嘅功夫, 導演不厭煩地多次道謝. (很多好導演都有個很好嘅剪接拍檔, 希治閣希公在那最著名個致謝詞說, 要多謝四人, 一是編劇, 二就是剪接, 都知他所指剪接也同時即編劇廚師孩子他媽, 即他夫人.......) 兩主角在全港平行地穿梭, 尋尋覓覓, 剪接成一個愛尋迷嘅樸實童話, 真係以點點 情/情懷 串成一齣好戲......
來到我強項, 數星星時間. 導說和陳豪合作過<<刀>>, 今次先揾佢, 除了他及女主, 所有出現過嘅除咗一個(地鐵站阿伯) 均為人情牌, 全是朋友出演, 他人緣實太好.
老熟人林子聰先生, 佢搞完自己套得閑飲茶後好耐先係到睇到. 扮相同迷離夜差天共地嘅音音姐, 似齣齣港影都有她咁.
少少發福多數只係電視間唔中見到嘅卲仲衡先生, 早在港劇經典最好作品(沒有之一)<<大時代>>演出秋官大仔, 奸角形象仍在心海, 第一次係大銀幕見到他(應該係), 完全反轉, 大好人表哥, 也令我想起同我好FRIAND個表哥, 邵生一句胡椒噴霧令全院發出會心大笑, 竟係卲生自行爆肚, 導演踢爆返呢個小秘密大贊好嘢!
曾翠珊導演係低成本電影圈猛將, 原來也是黃導老友, 呢次乘機借對白再一次宣傳她的長片也是力作<<大藍湖>>. 強尼先生已是某收費電視臺著名主持人, 竟跨行客串, 應是跟從同臺李尚正先生(演西遊降魔篇沙僧)步伐. 而嗰個地鐵站阿伯則不是朋友! 竟係誤入, 係一個不知道在拍戲嘅人, 但他演得最好! 導演笑說.
問答環節, 其實頭先講嘅剪接係此時李焯桃先生提問引出, 因他看過初剪版覺不濟, 後看完成版好驚訝才有一問.
也有人問音樂似無做舊, 因戲似懷舊, 導答并非刻意懷舊, 無用70年代音樂. 問答引出幕後秘聞如結尾本在別處最後卻在西環海邊, 夕陽仲要假嘅, 朝陽扮夕陽, 電影真奇妙.
港影迷本內斂, 幸此場竟引到導演小學同學嚟重聚, 問答會幾成同學會聯誼, 欲罷不能……
漏咗講最大熱嘅黃修平導演都友情出演, 仲有頗多發輝機會, 正式公映分分鐘用佢做賣點好D...

无论是说香港本土情怀，还是说当下香港社会现实，还是说中港关系，还是最后给出的解决方式，都做得很好。有趣的故事，清晰而有条理的叙事，非常自然而不做作的表达，一群有能力有干劲而又认真的参与者。影片根据导演黄浩然(不是TVB那位)自己的真人真事为基础而扩展，无论哪方面都比叫“香港仔”那部更加香港。评分的话，9是至少的。

片尾曲的选择和翻唱都极佳，完全是电影情节的再延伸，让人不忍离座，依旧沉浸。

电影会说话，认真不认真，一看便知。

(P.S. 坐下时前面有个很高的白发造型，很阻碍看片，于是往左移了一座位。等到前面白发魔女放声大笑时，才醒悟原来就是她啊。好想找她签个名，但又不好意思。只好一会看看银幕上的她，一会看看前面的她。听着她爽朗开怀的笑声，顿觉世界其实很美好。)